களத்து மேட்டில் நிற்கிறது மரம்
அரசமரம்
கிராமச் சாலையிலிருந்து கூப்பிடு தொலைவில்
பாசன வாய்க்காலில் வேர் நனைய
ஏறி இறங்கிக் கொண்டே இருக்கின்றன கட்டெறும்புகள்
உச்சிக் கிளையில் கொற்றப்புள் குடும்பம்
கிளைகளில் காகங்கள்
நிழலில் தலை சாய்க்கின்றனர் வழிப்போக்கர்கள்
வாழ்வின் மீளா சுழற்சியை எண்ணி
வீடு அன்னியமான நாடோடி
அடியில் வேரில் அமர்ந்திருக்கிறான்
மாலை வீடு திரும்பும் கிராமத்துப் பெண்
வணங்கி விட்டுச் செல்கிறாள்
இனி உருவாகப் போகும் கடவுளை
கரிச்சான்கள் இயங்கும் சந்தியில்
புலரும் இருளும்
வானம் பார்த்து
நிற்கிறது
மரம்
களம் நிற்கும் மரம்
