காத்திருத்தல்

காத்திருக்கும் கணங்கள் மேலும் நூதனமாகியிருக்கின்றன
அசையா உடலில் பூமிப்பந்தைப் போல் விடாமல் சுழல்கிறது மனம்
அணி செய்து கொண்ட இளம்பெண்
ஆடிக்குள் எதையோ தேடிக் கொண்டிருக்கிறாள்
அதன்உள்தான் இருக்கிறது என்ற நிச்சயத்தோடு
நம்பிக்கையின் நிராகரிப்பின் சாத்தியங்கள்
கடல் போலும் நிலம் போலும் விரிகின்றன
அவற்றின் மேல் மிதக்கும் காற்றில்
எப்போதும் போல்
சிறகசைக்கின்றன
புள் இனங்கள்