புன்சிரிப்பின் ரசவாதம்

ஒரு கைக்குழந்தையைப் போல
உன்னை ஏந்திக் கொள்கிறேன்
நீ அவ்வளவு நம்பிக்கையுடன்
நீ அவ்வளவு ஆசுவாசத்துடன்
அத்தனை சுதந்திரமாய்
இருக்கலாம்

ஒரு சிறுமிக்கு அறிமுகப்படுத்துவது போல
இந்த ஊரை
இந்த பொழுதுகளை
இந்த நீர்ப்பரப்புகளை
இந்த உயிர்த்திரளை
அறிமுகம் செய்து வைக்கிறேன்

ஒரு அன்னையிடம்  சொல்வதைப் போல
இந்த வாழ்வைப் பற்றி
உன்னிடம்
அறிக்கையிடுகிறேன்

மலர்களை மலர வைக்கும்
உன் புன்சிரிப்பின்
ரசவாதம் என்ன