மீட்சி

இந்த தனிமையை
எவ்வாறு அர்த்தப்படுத்திக் கொள்வது
இந்த துயரத்தை
யாரிடம் பகிர்ந்து கொள்வது
காலையின் விடிவெள்ளி அவ்வளவு தனியாக நின்றிருக்கிறது
அலைகளின் சங்கீதம் நள்ளிரவில் ஊருக்குள் வருகிறது
முன்நிசியில் எவருமற்ற மாடியில் தென்றல் உலவிச் சென்றிருக்கிறது
கருமேகத்திரள் மழை தருமா என ஏங்கிப் பார்க்கிறது மானாவாரி பயிர்
இன்னும் ஒரு சந்தர்ப்பம் வாய்க்க வேண்டும்
அடர்ந்த
பாதைகளற்ற
முடிவற்ற
பெருவெளியிலிருந்து