அணை
அணைத்துக் கொள்
நீரை
அகமும்
புறமும்
மச்சம்
அணைத்துக் கொள்வது போல
கொண்டு செல்
உன்னுடன் கொண்டு செல்
பெருநதி
தன் பாதையில்
மரக்கட்டைகளைக்
கொண்டு செல்வது போல
நிரம்பு
என்னுள் நிரம்பு
சாளரங்கள் திறக்கப்பட்டதும்
அறையில் நிரம்பும்
சாரல் காற்றைப் போல
சூழ்ந்து கொள்
முற்றாக சூழ்ந்து கொள்
மண்ணை
இருளாலும்
ஒளியாலும்
விண் சூழ்வது போல
பற்று
பற்றிப் படர்
உக்கிரத்துடன்
தீவிரத்துடன்
முழுமையாக உண்டு
முழுமையாக எடுத்துக் கொண்டு
தன்மயமாகி
தீயைப் போல
எரி சாம்பல்
கரையும்
நீர் வெளி
நம் உலகம்
