கிருஷ்ண சைதன்யா
ஏழாம் வகுப்பு
கதை சொல்கிறாள்
தான் பார்த்தவற்றை
தான் அறிந்தவற்றை
தான் கண்டடைந்தவற்றை
தான் மகிழ்ந்தவற்றை
தான் துயர் கொண்டதை
காய்கறிக்காரர்களிடம் பேரம் பேசுவதை அவள் வெறுக்கிறாள்
கோபமாக பேசிக் கொள்வதில் அவளுக்கு உடன்பாடு இல்லை
தனக்கு யார் கஷ்டப்படுகிறார்கள் என பார்த்தால் தெரியும் என்றாள்
அதை எனக்கு சொல்லிக் கொடு என்றேன்
மீண்டும் மீண்டும்
பார்த்தால் தெரியும்
பார்த்தால் தெரியும்
என்றாள்
நாங்கள் பேசுவதை கேட்டுக் கொண்டிருந்த டோலி
குவக் குவக் என்றவாறு வாலைக் குழைத்தது
வாசல் மரத்தில் அமர்ந்திருந்த காகம்
அடர் குரலில்
கா கா என்றது
எதையோ தெரிந்து வைத்திருப்பது போல
ஏதோ புரிந்து கொண்டது போல
