மழையாவது

அன்பையும் சொல்லையும் இணைப்பது எப்படி என்பது இன்னும் தெரியாமலே இருக்கிறது
உனக்கு என்ன பரிசு தருவது என்பதை முடிவுசெய்ய முடியாமல்
வெறும் கைகளுடன் வந்து சேர்கிறேன்
எவ்வளவு
உணர்ந்த பின்னும்
உச்சரிக்கப்பட்ட
எத்தனை
சொற்களுக்கு அப்பாலும்
அகம் நொறுங்கும் வலியின் சத்தம்
ஒரு பேப்பர் வெயிட் தரையில் விழுவதாகவோ
உடையும் கண்ணாடி வளையல்களைப் போலவோ
அணிலின் இடையறாத கிரீச்சிடலாகவோ
மனதைப் பிசைகிறது
மேகத்துக்கும்
மண்ணுக்கும்
இடையில் இருப்பது தானே
மழை