அன்பின் ரசவாதம்

நான் ஒரு ரசவாதி
கூழாங்கற்களை கோபுரங்கள் ஆக்கினேன்
மலரை நிலவாக்கினேன்
தீயைப் பசும் தளிர்களாக்கினேன்
அமிர்தத் துளிகளை குழந்தைகளாக்கினேன்
இசையை மழலைச்சொல் ஆக்கினேன்
மழைத் துளியை தானிய மணிகளாக்கினேன்
காற்றில் எழும் மென்பஞ்சை சிட்டுக்குருவிகளாக்கினேன்
நட்சத்திரங்களை குளத்து மீன்களாக்கினேன்
சூரியனை சோளக்கதிராக்கினேன்

உன்னை எண்ணும் தோறும்

கணந்தோறும்
என்னை
மாற்றிக் கொண்டேயிருக்கும்
உன் ரசவாதம்
என்ன