காகிதத் தாள் போல் மலர்ந்துள்ளன தும்பைப் பூக்கள்
நெல்லுக்குப் பாய்கிறது மூழ்கிய மோட்டார் வெளித்தள்ளும் நீர்
கதிருக்கும் கதிருக்கும் இடையே பின்னியிருந்த வலையில் சிலந்தி
ஆசுவாசமான கரிச்சான்கள் வெறுமே அமர்ந்திருக்கின்றன மின்கம்பிகளில்
பாதுகாப்பான சாலைதானா என பரிசோதிக்கும் கீரி கடந்து செல்கிறது
குளத்து மீனுக்காக விண்ணில் அலைகிறது ஒற்றைப் பருந்து
