உரு ஆக்கம்

ஒரு நதியின் கரையில்
விரவிக் கிடக்கும்
கூழாங்கற்கள்
உன் பாதங்களை
உருவாக்கிக்
காட்டுகின்றன
மூழ்கி எழும் நதி
உன் உள்ளங்கை ரேகைகளை
உண்டாக்குகிறது
நதி பயணிக்கும்
மலைகளுக்கு அப்பால் உள்ள
சூரியன்
உன் முகத்தை
உருவாக்குகிறது
நான் உன்னைச் சுடராக்கி
ஒரு சிற்றாலயத்தின் சன்னிதியில்
அகல் விளக்கில்
வைக்கிறேன்
அப்போது வீசும் மென்காற்று
மெல்ல அசைக்கிறது
உன்னை