கவிஞன் என்ன செய்கிறான்

வெட்டவெளியின் கீழே நிற்கிறான்
பூமிப் பரப்பெலாம் நடந்து திரிகிறான்
பெரிய கடலில் நீந்தித் திளைக்கிறான்
சிகரங்களைத் துழாவ முன்னேறுகின்றன
அவன் கால்களும் கைகளும்
மலர் உதிர்க்கும் மரங்கள் முன் பரவசம் கொள்கிறான்
சின்னக் குருவிகள் போல் உற்சாகமாய்ப் பாடுகிறான்
மனித முகங்களுக்கு மானுடக் கதை சொல்கிறான்
விடு பட்டு
இன்புற் றிருக்கிறான்