நன்றி

இன்று
கவிஞர்களை
நினைத்துக் கொண்டேன்
அவர்களுக்கு
நன்றி சொல்ல வேண்டும்
என்று
தோன்றியது

சிலர்
ஆயிரக்கணக்கான ஆண்டுகளுக்கு
முன்னால் வாழ்ந்தவர்கள்
பலர்
பல நூற்றாண்டுகளுக்கு முன்னால்
இன்னும் சிலர்
இந்த நூற்றாண்டில்
சென்ற நூற்றாண்டில்
சம காலத்தில்

ஏதேதோ நாடுகளில் வாழ்ந்தவர்கள்
நான் கேட்டேயிராத உச்சரிப்பைக் கொண்ட
மொழியைப் பேசியவர்கள்

கவிஞர்கள் சிலரை சந்தித்திருக்கிறேன்
ஆனால்
எல்லா கவிஞர்களுடனும் உரையாடிக் கொண்டிருக்கிறேன்

ஒவ்வொரு கவிஞரும் ஓரோர் உலகை உருவாக்குகின்றனர்
கவிதை உலகம் ஒவ்வொரு நிகழ்கணத்திலும் நிகழ்கிறது

கவிதை உலகில் எல்லாம் இருக்கிறது
கவிஞர்களும் இருக்கிறார்கள்

இன்று
கவிஞர்களை
நினைத்துக் கொண்டேன்
அவர்களுக்கு
நன்றி சொல்ல வேண்டும்
என்று
தோன்றியது

அவர்கள் உருவாக்கிய கவிதை உலகுக்காக