உன்னிடம் சொல்லிக் கொண்டிருக்கும் போது
உன்னிடம் கேட்டுக் கொள்ளும் போது
உனக்குத் தருகையில்
உன்னிடமிருந்து பெறுகையில்
சொற்கள் ஏதுமின்றி
உடன் நடக்கும் போது
உன் நினைவுகளில்
மூழ்கியிருக்கும் போது
மிகப் பெரிய இவ்வுலகின்
சிறு சிறு பரப்புகளில்
பூத்திருக்கும் சில மலர்கள்
கிளையமர்ந்து கிரீச்சிடும்
சில பறவைகள்
மென் பூசலிடும் தடாக மீன்கள்
உருவாக்குகின்றன
ஓர் ஒத்திசைவை