மக்கள் தொடர்பு சாதனங்களில் சொற்பொழிவு என்பது வலிமையான ஒரு சாதனம். சொற்பொழிவாளன் தன் எதிரில் இருக்கும் மக்கள் திரளை ஒரு நிமித்தமாகக் கொண்டு ஒரு காலகட்டத்துடன் - ஒரு காலகட்டத்தை நோக்கி உரையாட முடியும். பார்வையாளனின் புரிதலை அறிவை மன அமைப்பை மாற்றி அமைக்கும் சாத்தியம் நிறைந்த தொடர்பு சாதனம் சொற்பொழிவு.
பெரும் கல்விமான்களும் தமிழறிஞர்களும் தமிழ்நாட்டின் சிறந்த சொற்பொழிவாளர்களாக விளங்கியிருந்திருக்கிறார்கள். தமிழ் சொற்பொழிவின் தரத்தை மிக மிகக் கீழிறக்கி உணர்ச்சிகளைத் தூண்டி இல்லாத எதிரியைக் கட்டமைத்துக் காட்டி தன் அரசியல் லாபங்களுக்கு பயன்படுத்தியது திராவிட இயக்கம். அவர்கள் ஐம்பது ஆண்டுகளாக கட்டமைத்திருக்கும் மலினமான சொற்பொழிவு நடைமுறைகள் என்பவை தமிழ் மக்களின் அறிவுத் திறனையும் சிந்திக்கும் சக்தியையும் ஊனமாக்கியுள்ளன.
தரம் மிக்க சொற்பொழிவுகளும் சொற்பொழிவாளர்களும் தமிழின் இன்றைய முக்கியமான அவசியமான தேவை.
