உச்சிப் பொழுதில் ஒளிரும் சூரியன்

உருவாக்கும்

மண்டப நிழலில்

அசை போட்டுக் கொண்டிருக்கின்றன

மேய வந்த ஆடுகள்

காய்ந்த புல்லினூடே 

செல்லும் அரவென

ஒற்றையடிப் பாதை

ஒரு நுனியில்

சிறு கிராமத்துச் சாலையும்

மறு நுனியில்

நூற்றாண்டுகள் கடந்த சிற்றாலயமும்

காலையில் வந்த பட்டர்

ஏற்றிய கல்அகல் தீபம்

அணையாமல் சுடர்கிறது

மாலை வரை

எப்போதோ வரும் யாத்ரிகன்

சுடர் அசைவில்

காண்கிறான்

ஒரு தொல்நகரின் பொழுதை

மண்டப சிற்பங்களை

மறக்கப்பட்ட வரலாற்றை

25.04.2018

16.25