இந்த வசந்த காலத்தில்
கோடை வெக்கை
தற்காலிகமாக பின்வாங்கியிருக்கும்
முன்னிரவுப் பொழுதின்
காற்று வீசும் வேளையில்
வானக மீன்கள்
மினுக்கி மினுக்கிப் பார்க்கின்றன
மாந்தளிர்ப் பச்சையை
முருங்கை மலர்களை
காற்றை உறுத்தும் வேப்பம்பூக்களை
அசதியாய் வீடு திரும்புபவன்
மகிழ்ந்து பார்க்கிறான்
வேப்பம்பூக்களை
முருங்கை மலர்களை
மாந்தளிர்ப் பச்சையை
மினுக்கிப் பார்க்கும்
வானக மீன்களை
