பிரியங்களினும்
அதை நீ வெளிப்படுத்திய விதங்கள்
உனக்கு எப்போதைக்கும்
அணங்கின் சாயலைத் தருகின்றன
உனது சுற்றுப்புறங்களின் பாறைகள்
தினமும்
மெல்ல கரைந்து கொண்டிருக்கின்றன
உனது மாசின்மையால்
நம்பிக்கையை மட்டுமே அளிக்கின்றன
உனது மென் சொற்கள்
உன்னைச் சூழ்ந்திருப்பவை
புனிதப்படுத்தப்படுகின்றன
உன் கனிவால்
நீ கொள்ளும் துக்கத்தை
எப்படி வகைப்படுத்துவது
உனது கண்ணீர்த்துளி
மண்ணில் என்ன ஆகிறது