வாகனத்தின் ஜன்னல் வழியே
வேடிக்கை பார்க்கும் பெண்ணிற்கு
காணும் அனைத்துக் காட்சிகளும்
ஆர்வமூட்டுகின்றன
நிழல் பரப்பிலிருந்து எழுந்திருக்கும் மரங்களை
வியப்புடன் நோக்குகிறாள்
கிளைகளில் வாசம் புரியும் பறவைகளுடன்
தன் புன்னகையை அனுப்பி வைக்கிறாள்
நீர் ஓடும் ஓடைகள் சத்தம்
அவளுக்குள் இன்னதென்று சொல்ல முடியாத
குதூகலத்தை அளிக்கிறது
வலசைப் பறவைகள் தினம்
முடிவற்றுப் பறப்பதில்
ஒரு மர்மம் இருப்பதாக
அவளுக்குத் தோன்றுகிறது
வாகனத்தைக் கடக்கும் ஆட்டு மந்தைகள்
கையில் நீண்ட கோல் கொண்ட நல் இடையர்கள்
லெவல் கிராஸிங்கில் சற்று நேரம் நின்றிருக்கும் போது
கடக்கும் ரயிலில்
கரம் அசைக்கும் குழந்தை
பயணிக்கும் ஒவ்வொரு முறையும்
வாழ்க்கை பற்றி அவள் நம்பிக்கையை
மீண்டும் உறுதி செய்து கொள்கிறாள்
பயணம் முடியும் போது
காட்சிகளை
அவசர அவசரமாக
மனச்சித்திரமாகத்
தீட்டிக் கொள்கிறாள்
அகம் திரும்பும் அவள்
முகத்தில்
கல்சிற்பத்தின் அமைதி
வேடிக்கை பார்க்கும் பெண்ணிற்கு
காணும் அனைத்துக் காட்சிகளும்
ஆர்வமூட்டுகின்றன
நிழல் பரப்பிலிருந்து எழுந்திருக்கும் மரங்களை
வியப்புடன் நோக்குகிறாள்
கிளைகளில் வாசம் புரியும் பறவைகளுடன்
தன் புன்னகையை அனுப்பி வைக்கிறாள்
நீர் ஓடும் ஓடைகள் சத்தம்
அவளுக்குள் இன்னதென்று சொல்ல முடியாத
குதூகலத்தை அளிக்கிறது
வலசைப் பறவைகள் தினம்
முடிவற்றுப் பறப்பதில்
ஒரு மர்மம் இருப்பதாக
அவளுக்குத் தோன்றுகிறது
வாகனத்தைக் கடக்கும் ஆட்டு மந்தைகள்
கையில் நீண்ட கோல் கொண்ட நல் இடையர்கள்
லெவல் கிராஸிங்கில் சற்று நேரம் நின்றிருக்கும் போது
கடக்கும் ரயிலில்
கரம் அசைக்கும் குழந்தை
பயணிக்கும் ஒவ்வொரு முறையும்
வாழ்க்கை பற்றி அவள் நம்பிக்கையை
மீண்டும் உறுதி செய்து கொள்கிறாள்
பயணம் முடியும் போது
காட்சிகளை
அவசர அவசரமாக
மனச்சித்திரமாகத்
தீட்டிக் கொள்கிறாள்
அகம் திரும்பும் அவள்
முகத்தில்
கல்சிற்பத்தின் அமைதி