மர்ஃபியின் அன்பு

மர்ஃபி சிறுகை அளாவிய பண்டங்களை
எப்போதும்
பகிர்ந்து கொடுப்பான்
சிறு குழந்தையாய் இருந்ததிலிருந்தே
அவன் நெகிழும் மென்குரலில்
பிரியமாய் அழைப்பான்
அவனது ஒவ்வொரு அழைப்புக்கும்
வானில் ஒரு மீன் கண்சிமிட்டும்
ஓடி விளையாடி மூச்சிறைக்கும் போது
புதிதாய் பூக்கும் சிறுமலர்கள்
அவன் மகிழும் தருணம்
ஒவ்வொன்றிலும்
கடவுள் நிம்மதியடைகிறார்
இந்த உலகு பற்றி