அடர்த்தி

நம் உரையாடலில்

உன்னைப் பற்றிய புகழ்மொழிகள் எதையும் நான் உரைத்ததில்லை
நான் கண்ட உன் இயல்புகளைக் கூறியிருக்கிறேன்
அவை என் சொற்களுக்கு அப்பாலும் ஒளிர்கின்றன
சொல்லாக்கப்பட்டால் உன் இயல்புகளின் முழுமையை வெளிப்படுத்த இயலாதோ என தயங்கி
எப்போதும் மௌனத்தை வெளிப்படுத்துகிறேன்

நம் மௌனங்கள் அடர்த்தி கொள்கின்றன

நீர்ப்பிடிப்புப் பகுதியில் ஓர் இரவில் பெய்த அப்பெருமழையைச்
சுமந்திருந்த மேகங்களின் அடர்த்தி எத்தனை
அதுதான் அலைவாயில் கடல் தீண்டியதோ?

நீ திறந்திருக்கிறாய்
வானம் போல
காணும் தோறும்
அற்புதங்கள் பெருகும் வெளியென