காட்சி

உன் இருப்பு
மூச்சிறைக்க வைத்த
என் அகங்காரங்களைக்
கரைத்தது
அவை உன் உலகில் இல்லை
அப்படி சில இருக்கக்கூடும்
என்ற சாத்தியமே
உன் எண்ணங்களில் இல்லை
குழந்தைகளும் பெண்களும்
பண்டிகைக்கு
ஆர்வமாக
வீட்டை  அலங்கரிப்பது போல
நான் மகிழ்ந்திருந்தேன்
பட்சிகளும் புல்வெளிகளும்
குளிர் தரு நிழல்களும்
என் உலகமாய் ஆனது
இப்போது
உன்னைத் தேடிக் கொண்டிருக்கிறேன்
இவ்வளவு பெரிய உலகில்