இங்கே சமீப நாட்களில் எனக்கு ஒரு நண்பர் அறிமுகமானார். வயதில் மிகவும் இளையவர். அரசுப்பணி ஒன்றில் இருக்கிறார். கிரிக்கெட் விளையாட்டின் மீது ஆர்வம் கொண்டவர். ஒருநாள் அவரது வீட்டுக்குச் சென்றிருந்தேன். அவரது நண்பருக்கு வேண்டியவர் ஒருவரின் ஒரு வயது குழந்தை முதுகில் மேஜை மீது வைத்திருந்த அப்போது காய்ச்சப்பட்ட சூடான பால் கொட்டி மேல் தோல் தீய்ந்து விட்டது. மருத்துவமனையில் அனுமதித்திருந்தார்கள். குழந்தையின் பெற்றோர் பொருளாதார வசதி குறைந்தவர்கள். சிகிச்சைக்குத் தேவையான பணத்தை நண்பர் தனது நண்பர்கள் மூலம் ஏற்பாடு செய்து கொடுத்தார். நானும் அதில் சிறு அளவில் பங்கெடுத்துக் கொண்டேன். மருத்துவமனைக்கு அவ்வப்போது சென்று சிறு உதவிகளைச் செய்து கொடுத்தேன். டிஸ்சார்ஜ் ஆகி அவர்கள் வீட்டுக்குச் சென்றதும் அங்கே சென்று பார்த்து வந்தேன். மனதுக்கு துயரமாக இருந்தது. குழந்தை இப்போது நன்றாக இருக்கிறது. என்றாலும் காரணம் சொல்ல முடியாத துயரம்.
