ஆசான்

நீ அமர்ந்திருக்கிறாய்
மௌனமாய்
உன் கருணை நம்பிக்கையளிக்கிறது
ஞானத்துக்காக நடந்தன நின் பாதங்கள்
அளவின்றி
நின் பாதம் பணிகிறேன்
வெற்று அகங்காரம் மட்டுமே இருக்கிறது
அதை உன் முன் விட்டுத் தொலையும் வழியும் அறிகிலேன்
என் காணிக்கையாகக் கண்ணீரைக் கொடுக்கிறேன்
நின் கருணை என்னை எப்போதும் நல்வழிப்படுத்தட்டும்
நின் கருணையே
என் நம்பிக்கையாய் எஞ்சுகிறது
நின் கருணையே
என் நாளின் சூரியனாகிறது
என் இறைவா
மீண்டும்
மீண்டும்
நின் அடிபணிகிறேன்
நின் அடிபணிகிறேன்

புத்தம் சரணம் கச்சாமி