பிரிவென்பது

நாம் தத்தளித்துக் கொண்டிருந்தோம்
நம்மைச்
சூழும் காற்றில்
ஒவ்வொரு நாடித்துடிப்பில்
அவ்வப்போது எழும் எண்ணங்களில்
வாழ்க்கையின் முடிவற்ற சாத்தியங்களில்

இந்த உலகம்
இவ்வளவு இனிமைகளின்
பெருவெளியைக் கொண்டதா

மேகங்களும் மீன்களும்
இணைந்திருக்கும்
வானத்திற்குக் கீழே

மாடியின் மேற்பரப்பில்
மெல்ல அசையும் காற்று
அவ்வப்போது தீண்டிச் செல்கிறது

பிரிவென்பது எதனால் ஆனது
காலத்தால்? அல்லது தூரத்தால்?
அல்லது
மௌனத்தால்? அல்லது சொல்லால்?