நண்பா
உன்னிடம் வரும் போது
அல்லது
உன்னிடம் மீண்டும் வரும் போது
அல்லது
மீண்டு உன்னிடம் வரும் போது
சொற்களை விட
ஆறுதலை விட
உனது அருகாமை
நம்பிக்கையளிக்கிறது நண்பா
ஏன் நம் அன்பின் வெள்ளத்தில் எப்போதாவது ஐயத்தின் நுரைகள் மி
ஏன் நம் அன்பின் ஒரு சிறு பகுதியை வெளிப்படுத்த வேண்டாம் என முடிவு செய்தோம்
ஏன் நம் சொற்களில் சிறு அளவினேனும் வெளியேற்றத்துக்கான ஒரு பாதையை வைத்திருந்தோம்
ஏன் நாம் அவ்வப்போது சிறு - மிகச் சிறு அளவில் பரஸ்பரம் கைவிட்டோம்
ஏன் நாம் நம்மை முழுமையாக நம்பாமல் போனோம்
இவற்றால் நாம் வருந்தியதை ஏன் எப்போதும் வெளிப்படுத்தாமல் இருந்தோம்
நீ நம்பிக்கை அளித்திருக்கிறாய்
நீ எனக்காக கண்ணீர் சிந்தியிருக்கிறாய்
நாம் பரஸ்பரம் ஏன் நம் நேசத்தை நேசமாக எண்ண மறுத்தோம்
