அமைப்பாளர் கட்டிக் கொண்டிருக்கும் வணிக வளாகக் கட்டிடம் நிறைவுத் தருவாயில் இருக்கிறது. வண்ணம் பூசியாகி விட்டது. தரைக்கு டைல்ஸ் போட்டாகி விட்டது. பணிகள் பூர்த்தியாகி இருப்பதால் கடைத்தெருவில் இருக்கும் அந்த வணிக வளாகக் கட்டிடத்துக்கு வாடகைக்கு வர பலர் விரும்புகின்றனர். அந்த கடைகளுக்கு அட்வான்ஸ் எவ்வளவு வாடகை எவ்வளவு என்ற கேள்விகளுடன் பலர் வருவார்கள்.
இன்று ஒருவர் விசாரிக்க வந்தார். தன்னை பால் வியாபாரி என அறிமுகம் செய்து கொண்டார். கறந்த பால் வியாபாரம் செய்ய கடை வேண்டும் என்று சொன்னார்.
அமைப்பாளர் அவரை கடைகளின் உள்ளே அழைத்துச் சென்று அகல நீளம் பரப்பளவு ஆகியவற்றை விளக்கினார்.
பால் வியாபாரி தண்ணீர் வசதி எப்படி என்று கேட்டார்.
அமைப்பாளர் ஒரு ஹேண்ட் பம்ப் இருக்கிறது என்று சொன்னார்.
அந்த பதிலால் பால் வியாபாரி திருப்தி அடைந்தார்.
அவர் ஏன் அந்த கேள்வியைக் கேட்டார் என்று யோசித்தார் அமைப்பாளர்.
