இன்று எழுதிய ‘’வானெழும் பட்டங்களின் நிலம்’’ பதிவை ஆமதாபாத்தின் நண்பர்களுக்கு அனுப்ப விரும்பினேன். எனது பதிவின் பிரதியை ‘’கட் காபி பேஸ்ட்’’ செய்து கூகுள் டிரான்ஸ்லேட்டில் ஒட்டினேன். சில வினாடிகளில் அது மொத்த பதிவையும் ஆங்கிலத்தில் மொழி பெயர்த்தது. ஆர்வம் காரணமாக அதனை வாசித்துப் பார்த்தேன். அது ஒரு நல்ல மொழிபெயர்ப்பு என்று எனக்குத் தோன்றியது. எனது தமிழ் பிரதியின் உணர்வுகள் சரியாக மொழிபெயர்க்கப்பட்டுள்ளன. பெரிய திருத்தங்கள் ஏதும் தேவைப்படவில்லை. சிறிதாக ஒன்றிரண்டு தேவைப்பட்டது. அதனைச் செய்து கொண்டேன். இந்த முயற்சி எனக்குப் புதிய அனுபவம். இந்தப் புதிய அனுபவம் எனக்கு மகிழ்ச்சியை அளித்தது.
