அமுதம் பொழியும்
குளிர்ந்த
மென்மையான
இதமளிக்கும்
உன்னுடைய காட்சி வெளியில்
ரொம்ப நாட்களுக்குப் பின்
துளிர்த்தது
ஒரு மரம்
அலர்ந்தது அன்றைய மலர்
அப் பொழுதின்
அந்தியில் உதித்த வான்நிலவு
நுரையை விலகிய கடல்
பின்னும் முன்னும்
வருகிறது
அலை ஆடிப் பிரதிபலிக்கும்
வெளிச்சம்
நகரும்
காற்றில் அதிர்கிறது
உலோக மணி
ஓசையால் புன்னகைத்து
இமைக்கிறாய்
இதோ
ஒரு புதிய பிரபஞ்சம்
