லௌகிகமாக ஒரு வாரம் என்பது திங்கள்கிழமை தொடங்கி ஞாயிற்றுக்கிழமை நிறைகிறது. ஒருநாள் அல்லது இரண்டு நாள் வார இறுதி விடுமுறைக்குப் பின் திங்கள்கிழமையில் மீண்டும் பணிகள் தொடங்கும் என்பதால் திங்கட்கிழமை காலை என்பது மிகவும் பரபரப்பு கொண்டதாக இருக்கக்கூடியது. எல்லா விதமான தொழில் புரிபவர்களுக்கும் வாரத்தின் முதல் நாளான திங்கட்கிழமை காலை நல்விதமாக இருந்தால் அந்த வாரம் முழுவதும் நன்றாக இருக்கும் என்னும் நம்பிக்கை உண்டு.
இந்த வாரம் மூன்று மாதங்களுக்கு முன்னால் விண்ணப்பித்த நண்பர் நிலத்தின் தனிப்பட்டா கைக்குக் கிடைக்கும் என்ற நம்பிக்கை இருக்கிறது. எங்களுக்கு அது முக்கியமான ஆவணம். எங்கள் அடுத்தகட்ட நடவடிக்கைகளை மேற்கொள்ள அது தேவை. ஓரிரு நாட்களுக்குள் எங்களுக்கு அந்த பணி செய்து கொடுக்கப்பட்டிருக்க வேண்டும். அதற்கு மூன்று மாதங்கள் ஆக்கியிருக்கிறார்கள். அப்படியும் இன்னும் கைக்கு வரவில்லை. வாரத்தின் முதல் நாளான திங்களன்று கிடைக்கும் என்ற எதிர்பார்ப்பு இருக்கிறது.
பேச்சுவார்த்தைகள் மூலம் முக்கிய கட்டத்துக்கு கொண்டு வந்த வணிகங்களை ஒப்பந்த நிலைக்கு கொண்டு செல்ல வேண்டும். நிறைய பணிகள் இந்த வாரம் இருக்கின்றன.
