ஈர நெஞ்சம்

விகிதாச்சாரத்தில்
இருள் கூடியும்
ஒளி குறைந்தும்
இருந்த
கோடைக் கால இரவில்
சன்னிதித் தெருவில்
நடந்து வந்து கொண்டிருந்தது
தென்றல்
எதிர்ப்பட்ட என்னை
கடந்து போயிற்று
அவசரமாய்
சந்திப்பின்
காணல்
மிக மெல்லிய ஈரமாய்
ஒட்டிக் கொண்டது உடலில்
கூடத்தில் சுவிட்ச் போட்டு
ஊருக்குப் போன குழந்தை
வீட்டுக்கு வரும் நாளை
காலண்டரில் பார்த்த போது
ஃபேன் காற்றில் படபடத்தன
காலண்டர் தாள்கள்