உன் ஞாபகம் வருவதுண்டு

உன் ஞாபகம் வருவதுண்டு
தவிட்டுக் குருவி ரியர் வியூ ஆடியை கொத்திக் கொண்டிருக்கும் போது
பகலில் அணிலின் கிரீச்சிடல் கூடத்தில் கேட்கும் போது
குழந்தைகள் பள்ளிப் பேருந்துக்கு காத்து நிற்கையில்
மழை ஓயாமல் பெய்யும் போது
அதிகாலைப் பனியில் நடந்து செல்லும் போது
உதயத்தின் ஒளி காணும் போது
தற்செயலாக வான் பார்க்கும் போது
மாடியில் நட்சத்திரங்களுக்குக் கீழே இருக்கும் போது
தென்றல் வீசிச் செல்லும் போது
பெருங்கடல் முன் நிற்கும் போது
ஆற்றில் மூழ்கி எழும் போது

உன் ஞாபகம்
உன் ஞாபகம் வருவதுண்டு