உன்னிடமிருந்து

உன்னிடமிருந்து
எவ்வளவோ பெற்றுக் கொண்டேன்
ஒரு விஷயத்தை
மேன்மையாகப் புரிந்து கொள்ளும்
வழிமுறைகள் மட்டுமே
உன்னிடம் இருந்தன
யாருடைய துக்கத்துக்காகவும்
நீ துயரப்பட்டாய்
பிறருக்காக சிந்துவதற்கு
எப்போதும்
உன்னிடம் கண்ணீர் இருந்தது
பிழைகளைத்
தவறுகளை
இயல்பாக மன்னித்தாய்
நீ நினைக்கப்படும் போதெல்லாம்
அங்கே நிறைகிறது
உன் நேசத்தின் நறுமணங்கள்
உன் அகம்
அன்பால்
ஒட்டுமொத்தமாக
இந்த உலகை
ஒரு குழந்தையாக
மாற்றுகிறது

வான் தெய்வங்களின்
நிஷ்டையை
அவ்வப்போது
கலைத்தது
புவியில்
உன் இருப்பு
...