அலைத்தீவு

கருக்கிருட்டில்
படகுக்காய்
காத்திருந்தோம்
அருகாமைத் தீவு செல்ல

இருள் முறியா
கணம்
ஒன்றில்
துவங்கியது
எம் பயணம்

யாம் முதலில் பெற்றது
உப்புநீர்க் காற்று
பயணத் தள்ளாட்டம்
விடியலின் சிவப்புச் சூர்யோதயம்
எலுமிச்சையின் வாசம்

பெருநகரின் மனிதத்திரளாய்
சூழ்ந்திருந்தது நீர்
அன்னிய அசௌகர்யத்தால்
எம்பிப் பார்த்தன மீன்கள்

உச்சி வெயில் நின்றிருந்த
கடல் உணவுகள் உப்பிட்டு காயவைக்கப்பட்டிருந்த
வலைகள் உலர்ந்து கொண்டிருந்த
தீவில்
அப்பொழுது
யாரும் இல்லை