பெய்யும் மழை

எனது ஈரத்தை
உன்னிடம் கொடுத்துக் கொண்டிருக்கிறேன்
உன்னை நினைத்துக் கொள்வதாக
காணும் போது
கண்களின் நீர்த்திரையாக
ஒரு பிரியமான முத்தமாக
ஒரு எதிர்பார்ப்பாக
ஒரு விருப்பமாக
உன்னை விலகாது அணைத்திருக்கும் பொழுதுகளாக

பாலையில்
முடிவின்றி நீளும் சாலையின்
கரையில்
காத்திருக்கும்
பொழுதில்

அப் பொழுது உருவான மேகம்
பொழிந்த மழை
உருவாகி வந்தது
எனது அன்பின் சமுத்திரத்திலிருந்து