பிராத்தனை

பனித்துளிகள் நுனியில் நிற்கும் புல்தரையால்
சிவப்பு சூரியனால்
அதிகாரமாய் விளிக்கும் காகக் கரைதல்களால்
அங்கும் இங்கும் சிறகடிக்கும் சிட்டுக்குருவிகளால்
அன்றலர்ந்த வண்ண வண்ண மலர்களால்
குழந்தைகள் போல் நோக்கும் இளம் பச்சைத் தளிர்களால்
எளிய கூழாங்கற்களால்
தீர்த்தக் கரையால்

ஆனதாக இருக்கிறது
உனது சன்னிதானம்

என்னிடம்
கண்ணீர் இருக்கிறது
கடுந்துயர் இருக்கிறது
பெருவலி இருக்கிறது

காட்டுத் தீயென
என்னைச் சூழ்ந்து
அழிப்பாய்
என
உன் முன் நிற்கிறேன்