மணம்

மக்கள் நிறையும்
திருவிழா வீதிகளில்
எப்போதும் உனைச் சூழும்
தனிமை
இல்லாமல் இருக்கிறாய்
கோயில் யானையை எப்படியாவது தொட நினைக்கிறாய்
தேர் வடத்தினை முன்னே சென்று தொட்டுக் கும்பிடுகிறாய்
ஒவ்வொரு விளையாட்டுப் பொருளையும்
அது என்ன அது என்ன என்கிறாய்
வாங்கித் தரட்டுமா என்று கேட்கும் போது
நாணி முகம் சிவந்து புன்னகைக்கிறாய்
நெரிசல் மிகுந்திருக்கையிலும் அமைதியாக சாமி கும்பிடுகிறாய்
மலர் தொடுக்கும் கரங்கள்
மலர் மணம் பெறுவது போல
உன் மணம் பெற்றுக் கொள்கிறேன்
திருவிழாக்களில்