சில கணங்கள்

நீ
என்னிடம் பேசிக் கொண்டிருந்தாய்
உன் மீது பிரியமாய் இருந்தவர்களை
உன் மீது பெரும் நம்பிக்கை வைத்தவர்களை
உன்னை எப்போதும் மனமுவந்து பாராட்டியவர்களை
உன்னை வாழ்த்துபவர்களை
குதூகலம் தந்த அலைகடல் கரைகளை
மலைப்பிரதேசங்களின் குளிரை
மனிதர்கள் பொங்கும் நகரங்களை
காண விரும்பும் புதிய நிலப்பரப்புகளை
மலர்கள் பூத்திருக்கும் நீண்ட புல்வெளிகள் கொண்ட பூங்காக்களை

இவற்றைப் பற்றி
கூறியபோது
நீ
சில கணங்கள்
துக்கம் கொண்டு
மீண்டது
ஏன் என்பதை
நான்
யோசித்து யோசித்துப்
பார்த்தேன்