தனி அகம்

இந்த பெரிய வீட்டின்
ஓசையின்மைகளிலும்
அவ்வப்போது கேட்கும்
சிறு சத்தங்களிலும்
ஞாபகப்படுத்தப்படுகிறது
உனது இன்மையின் தடயங்கள்
உனது இருப்பின் நினைவுகள்

சிரித்துப் பேசி மகிழ்ந்த நாட்கள்
பரிசளிப்பதையும் அளிக்கப்பட்ட பரிசுகளையும்
நினைவில் மீட்டிக் கொண்ட பொழுதுகள்
இடைவெளி இன்றி இருந்த தருணங்கள்

அன்றைய இரவின்
தீச்சுடரில்
உருகிய மெழுகு
இப்போது குளிர்ந்திருக்கிறது
அவ்வளவு இதமாக

நாம் அன்னியப்பட்டிருக்கிறோம்
மீள முடியாமல்

01.04.2018
17.05