இன்று இரு கவிஞர்கள் சந்தித்துக் கொண்டோம்
எப்போதும் போல்
கவிதையைப் பற்றி பேசத் துவங்கினோம்
பின்னர்
எங்கள் கவிதைகளைப் பற்றி
கவிதை எழுதப்பட்ட நினைவுகள் பற்றி
சில கவிதைகள் வாசித்தோம்
சில கவிஞர்களை நினைவுகூர்ந்தோம்
கவிதையின் புதிய தடங்களை யூகிக்க முயன்றோம்
எது கவிதை என்ற
ஆதி விசாரணை
துவங்கி
நெடுநேரம் விவாதித்தி
முடிவுகள் ஏதும் இன்றி
மீண்டும் சந்திப்போம்
என்று
விடைபெற்றோம்