அறுபது நாழிகை

உனது காலை விழிப்புகள்
இனிமையாக அமையட்டும்
அதிகாலைச் செவ்வானின் முன்
மெல்ல கரைதொடும் அலைகளைப் போல

உனது பகல்
மணல் குவியல் மேல்
வைக்கப்பட்டுள்ள
பானை நீர்த் தட்பமென
குளிர்ந்திருக்கட்டும்

உனது அந்திகள்
நீ உன் விரல்களால்
உருவாக்கும்
தீச்சுடரென ஒளிரட்டும்

நீண்டிருக்கும் இரவுகள்
உன் ஆழ் துயிலில்
ஒரு மலரென
கணம் கணமாக
மலர்ந்து கொண்டிருக்கட்டும்