யாத்திரை

அவியிடுகிறோம்
நாள் என்னும் தீயில்
எங்கள் துயரங்களை
எங்கள் கண்ணீரை
இன்னும் சொல்லாக்காமல் இருக்கும்
எங்கள் உணர்வுகளை

எங்கள் உடல்கள் இன்னும் உழைக்கட்டும்
எங்கள் மனங்கள் இன்னும் விரியட்டும்
எங்கள் உணர்வுகள் வானளவு உயரட்டும்

கணமும் ஓயாமல்
இமைப்பொழுதும் சோராமல்
மெய்வருத்தம் பாராமல்
ஒவ்வொரு
சிற்றடிகளாய்
உறுதியாய்
முன்னேறும்
எம் பயணம் தொடரட்டும்
எம் பயணம் தொடரட்டும்