மர்ஃபியின் கோடை

கோடை விடுமுறை
மர்ஃபிக்கு பொழுதுகள் சரியாக இருக்கின்றன
வேலையும் நிறைய இருக்கிறது
பள்ளியின் நேரத்தில்
எங்கெங்கோ
சுற்றிக் கொண்டிருப்பது
அவனுக்கு உற்சாகமாக இருக்கிறது
ரைஸ்மில்லுக்குப் போகிறான்
மளிகைக் கடைக்குப் போகிறான்
மெக்கானிக் ஷாப்புக்குப் போகிறான்
இந்த உலகம்
பெரிதாக இருப்பதாகவும்
நிறைய பேர் இருப்பதாகவும்
எண்ணிக் கொள்கிறான்
எல்லாம் நன்றாக நடக்கின்றன
புதிதாக என்ன செய்யலாம் என்று யோசிக்கிறான்
விமானம் இருந்தால் பறக்கலாம்
பறத்தலுக்கு முடிவே இல்லை
பறத்தலுக்கு சலிப்பே இல்லை
பறவையைப் போல