இணைதல்

அன்று
அந்த பிரதேசத்தை
காகங்கள்
வட்டமிட்டன
சில காகங்கள்
வீடுகளின் சுற்றுச்சுவர் மேல்
மரக்கிளைகள் மேல்
வீதியில் நின்றிருந்த வாகனங்கள் மேல்
அமர்ந்திருந்து கரைந்து கொண்டிருந்தன
இப்பவும்
தினமும் ஏதாவது ஒரு வீட்டில்
உருண்டை உணவு வைத்து
பித்ரு கடன் தீர்க்கின்றனர்
கூடி வந்த பித்ருக்கள்
கூறும் செய்தி என்ன
என்று
குழம்பி நின்றனர்
மக்கள்
குழந்தைகள்
பல் முளைக்கா வாயுடன்
வாய் நிறைய சிரிப்புடன்
கா கா கா
என்றன