நீ எவ்வளவோ கொடுத்திருக்கிறாய்
சாமானியமான
மிகச் சாமானியமான
இந்த உலகில்
எந்த கணமும்
அற்புதக் கணமாகக் கூடும்
சாத்தியத்தை
நீ குறிப்புணர்த்தினாய்
தாகம் தணிக்க
விண் மேகங்கள்
அமிர்தமாய்க் கூட பொழியும்
என்பதைக் காட்டினாய்
எடுத்து வைக்கும்
ஒவ்வொரு காலடியும்
சிறகசைப்பாய்
ஆவது
கண்டேன்

இந்த கணம்
இந்த உலகம் மீது
இந்த வாழ்க்கை மீது
இந்த மனிதர்கள் மீது
எல்லையற்ற நம்பிக்கை கொள்கிறேன்