உன்னை
உன் பெயர் கொண்டு
அழைக்கும் போது
அரிய கலைப்பொருள் ஒன்றைக்
கையாளுதலின்
நுட்பங்களையும்
கவனங்களையும்
கைக்கொள்ள வேண்டியிருக்கிறது
உனக்கு
நான் ஒரு பெயர் சூட்டிக் கொள்கிறேன்
 
நீ
உடனிருக்கும் போது
கரைந்து கரைந்து
எடையின்மை கொண்டு
காற்றில் எழுகிறேன்
உன் கைகளைப் பற்றிக் கொள்ளட்டுமா?
 
நனவிலும் கனவிலும்
உனது நினைவுகள்
உனது சொற்கள்
நினைவு கனவுகளுக்கு
அப்பால்
நீ வாசம் புரியும்
உலகங்களுக்கு
என்னைக்
கூட்டிக் கொண்டு செல்கிறாயா?