இன்று காலை
ஒரு குழந்தையைச் சந்தித்தேன்
சொற்களால் சில நிமிடங்கள் உரையாடினோம்
அக்குழந்தையின் முகத்தின் ஒளிர்வைக் கண்ட போது
ஒவ்வொரு பாராட்டுக்கும்
முகத்தில் பரவும் மகிழ்ச்சி ரேகைகளைக் கண்ட போது
இனிமையான
சங்கீதமென ஒலித்த
அக்குழந்தையின் மொழி உச்சரிப்புகளைக் கேட்ட போது
இந்த உலகம் மலர்களால் ஆனது என்றும்
இந்த உலகம் ஒரு மலர் என்றும்
தோன்றியது
அகம் கரையும் அனுபவங்களில்
மலரும் மலர்
உருவம் கொண்டதா
அருவம் ஆனதா
