சூரியன் உதிக்கும் திசையிலிருந்து
விரைந்து வந்து கொண்டிருந்தது நதி
பனி உருகிய நதி
இரவின் கரும் பரப்பின் அடியில்
சத்தமாகவும்
குளிர் ஸ்பரிசமாகவும்
அடையாளம் காட்டி நடந்த நதி
என்றும் பிரவேசிக்கும் சூரியன்
அன்றும் ஆர்வத்துடன் முதல் பார்வை பார்த்தான்
சிறுமியின் இளம் சிரிப்பை
கன்னியின் நாணத்தை
பெண்மையின் நிமிர்வை
அர்ப்பணங்களுடன்
சமர்ப்பித்துக் கொண்டிருந்தனர்
யாவரும்
குளிரின் அடர்த்தியுடன்
மாறா அன்பின் புன்னகையுடன்
தீண்டிச் சென்று கொண்டிருக்கும்
நதி
