ஆயிரம் சூரியன்கள் உதிக்கின்றன

பூமியில் தினமும்
ஆயிரம் சூரியன்கள் உதிக்கின்றன
பிறர் பொருட்டு துயர் கொள்ளும் போது
பிறருக்காகப் பிராத்திக்கும் போது
பிறர் கண்ணீர் துடைக்க கரங்கள் எழுகின்ற போது
பிறருக்கு தன் வாழ்நாளின் பாதியை அளிக்கும் போது
பிறரின் வலியைக் குறைக்க முயற்சிக்கும் போது
பிறரின் துயர் மிகு கதைக்கு செவிகொடுக்கும் போது
பிறருக்காக கண்ணீர் சிந்தும் போது
பிறருக்காக எல்லா முயற்சிகளும் செய்யும் போது
பிறர் என்று யாரும் இருக்க முடியாது என்று உணர்கிற போது

பூமியில் தினமும்
ஆயிரம் சூரியன்கள் உதிக்கின்றன