முடிவற்ற பாதை

ஓயாமல் உரையாடிக் கொண்டிருந்தேன்
நதிப்படுகையின் கூழாங்கற்களைச் சேகரித்து வந்திருந்தேன்
பனையின் அடியில் விழுந்து கிடந்த
தூக்கணாங்குருவிக் கூடொன்றைக் கொண்டு வந்தேன்
முற்றத்தின் தானியங்களுக்குப் பழகியிருந்த
சிட்டுக்குருவி ஆசையாய் அழைத்து வந்தது
புள்ளினங்களை
ஓர் எளிய கூரையில் அமர்ந்திருந்த விழல்
பொழிந்து கொண்டிருந்தது மென் குளிர்மையை

நான் நீங்கிச் சென்று கொண்டிருக்கிறேன்
முடிவற்ற பாதையில்