அகம்
புறம்
உனக்கு இல்லை
அகமும் நீயே
புறமும் நீயே
*
என் அகத்துக்குள்
வருகிறாய்
இருக்கிறாய்
செல்கிறாய்
சிறுவனின் விளையாட்டைப் போல
*
கோடானுகோடி காட்சிகளைக் காட்டுகிறாய்
புறத்தில்
எனக்காக
*
எளிய உயிர் நான்
உன்னைத்
தனி தனி யாக காண்கிறேன்
உன்னைத்
தனி தனி யாக உணர்கிறேன்
*
விளையாட்டுப் பிள்ளையே
உன்
முழு ரூபமும் எனக்குக் காட்டு
உன்னை
முழுதாக உணரச் செய்
*
எளியவன் விருப்பம்
எளியவன் கோரிக்கை
என் விளையாட்டுப் பிள்ளையே
